Goranboy şəhərində Medlife Hospitalın təməlqoyma mərasimi oldu.
Modern.az xəbər verir ki, tədbirdə rayon İcra Hakimiyyətinin başçısı, rayonun digər rəhbər şəxsləri, yerli iş adamları, İmago şirkətinin rəhbərləri Cesur bəy və Altan bəy, Çin xalq respublikasından MİNDRAY şirkətinin beynəlxalq satış meneceri Yang Hang, rayon ictimaiyyətin və kütləvi informasiya vasitələrinin nümayəndələri iştirakı etdilər.
Tədbirdə çıxış edən İcra başçısı Məhərrəm Quliyev ölkəmizdə həyata keçirilən uğurlu sosial-iqtisadi islahatların sahibkarlığın inkişafı üçün geniş imkanlar yaratdığını, Respublikamızın digər regionlarında olduğu kimi Goranboy rayonunda da sahibkarlığın inkişafı üçün əlverişli mühitin formalaşdığını bildirdi. İcra Başçısı bütün goranboyluları Novruz bayramı və bayram ərəfəsində Medlife Hospitalın təməlqoyma mərasiminin keçilirməsi münasibəti ilə təbrik etdi.
Qeyd edək ki, Hospitalda ambulator stasionar, cərrahi, doğuş və təcili yardım sahələri xidmət göstərməsi və 232 nəfərin işlə təmin olunacağı nəzərdə tutulub. Ambulator xidmətlər üzrə ginekologiya, travmotologiya, lor, oftalmologiya, bütün laborator müayinələr, hər növ ultrasəs müayinələri və radiologiya fəaliyyət göstərəcək.
