Bir müddət əvvəl ölüm xəbəri yayılan FETÖ terror təşkilatının lideri Fətullah Gülənin yeni görüntüləri üzə çıxıb.
Modern.az Türkiyə mətbuatına istinadən xəbər verir ki, FETÖ lideri ABŞ-da özəl xəstəxanalardan birindən çıxarkən gözə dəyib.
Onun səhhətində problem olduğu, bu səbəbdən xəstəxanaya üz tutduğu bildirilir. Lentə alınan kadrlardan da görünür ki, Fətullah Gülən çətinliklə hərəkət edir.
İnternetdə yayılan videonun bir neçə gün öncəyə aid olduğu deyilir.
Qeyd edək ki, bundan əvvəl FETÖ rəhbərinin zəhərlənərək öldüyü və yəhudi məzarlığında dəfn olunduğu bildirilirdi.
