Ukraynanın paytaxtı Kiyev şəhəri növbəti raket atəşinə məruz qalıb.
Modern.az xəbər verir ki, bu barədə Kiyev şəhər meriyası məlumat yayıb.
Bildirilib ki, raket zərbələri nəticəsində Svyatoşinski və Şevçenko rayonlarında binalara ziyan dəyib. Svyatoşinski rayonunda partlayış zamanı ticarət mərkəzi, iki mülki evi və çoxmərtəbəli binalar zərər görüb.
Bundan əlavə, martın 23-də səhər saatlarında Şevçenko rayonu da atəşə tutulub. Bir neçə fərdi yaşayış evində və çoxmərtəbəli binada yanğınlar baş verib. Nəticədə dörd nəfər xəsarət alıb.
