Çinin cənubunda qəzaya uğrayan “Boeing 737” sərnişin təyyarəsinin “qara qutu”larından biri tapılıb.
Modern.az xəbər verir ki, bu barədə “Sinxua” agentliyi məlumat yayıb.
Aşkarlanan cihazın ciddi zədələndiyi bildirilib.
“Onun uçuş-məlumat qeyd cihazı (FDR) və ya Kokpit səs yazıcısı (CVR) olduğu hələ müəyyən edilməyib”, - məlumatda deyilir.
Xatırladaq ki, Kunmin-Quançjou marşrutu üzrə həyata keçirən “China Eastern Airlines”a məxsus “Boeing 737” sərnişin təyyarəsi martın 21-də Çinin cənubundakı Quansi-Çjuan Muxtar bölgəsində, Uçjou şəhərinin Ten qraflığında qəzaya uğrayıb. Təyyarənin göyərtəsində 123 sərnişin və doqquz ekipaj üzvü olub. Hadisə zamanı sağ qalan olmayıb.
2015-ci ildən istifadəyə verilən laynerin qəzaya uğramasının səbəbləri hələlik məlum deyil.
