Azərbaycanın müdafiə naziri ilə rusiyalı həmkarı arasında telefon danışığı baş tutub.
Bu barədə Modern.az-a Azərbaycan Müdafiə Nazirliyindən bildirilib.
Martın 25-də Rusiya Federasiyasının müdafiə naziri ordu generalı Sergey Şoyqunun təşəbbüsü ilə onun Azərbaycan Respublikasının müdafiə naziri general-polkovnik Zakir Həsənov ilə telefon danışığı olub.
Tərəflər Rusiya sülhməramlı kontingentinin müvəqqəti yerləşdiyi Azərbaycan ərazilərindəki mövcud vəziyyəti, həmçinin regional təhlükəsizlik və qarşılıqlı maraq doğuran bir sıra digər məsələləri müzakirə ediblər.
***
14:00
Azərbaycan və Rusiya müdafiə nazirləri arasında telefon danışığı olub.
Modern.az xəbər verir ki, bu barədə Rusiya Müdafiə Nazirliyi məlumat yayıb.
Rusiyanın müdafiə naziri Sergey Şoyqu və Azərbaycanın müdafiə naziri, general-polkovnik Zakir Həsənov Qarabağ bölgəsində vəziyyətin sabitləşdirilməsi yollarını müzakirə ediblər.
Məlumata görə, tərəflər sülhməramlı əməliyyatın gedişi və həyata keçirildiyi ərazidə humanitar vəziyyətlə bağlı fikir mübadiləsi aparıblar.
