Türkiyə daxili bazarda qiymətlərin artması ilə əlaqədar ət ixracını dayandırıb.
Modern.az xəbər verir ki, bu barədə ölkənin Ticarət Nazirliyinin yaydığı məlumatda qeyd olunub.
Bildirilib ki, daxili bazarda ət tədarükünün təminatı, tələb-təklif balansının qorunması üçün iribuynuzlu heyvanların, həmçinin qoyun və keçi ətinin ixracı qadağan edilib.
Sözügedən qərar Azərbaycana və Şimali Kiprə şamil edilməyib.
Qeyd edək ki, son günlər Türkiyədə ət və ət məhsullarının qiymətində bahalaşma müşahidə olunur.
