Türkiyədə görüşən Ukrayna və Rusiya nümayəndə heyəti arasında maraqlı dialoq yaşanıb.
Modern.az xəbər verir ki, iclasdan əvvəl Rusiya nümayəndə heyətinin rəhbəri, Prezident Vladimir Putinin köməkçisi Vladimir Medinski stolun üstünə qoyulan şüşəni götürüb və onu incələməyə başlayıb.
Bu məqam Ukrayna nümayəndə heyətinin üzvü David Araxamianın diqqətini çəkib.
"O, dezinfeksiyaedici məhluldur" - Ukrayna rəsmisi Medinskiyə söyləyib. Putinin köməkçisi isə “mən elə bildim araqdır”, - deyə ona cavab verib.
Təmsilçilərin bu dialoqu çətin danışıqların getdiyi masada təbəssümə səbəb olub.
Qeyd edək ki, bu gün Rusiya və Ukrayna nümayəndə heyətləri Türkiyədə görüş keçiriblər. Danışıqlar 3 saat davam edib.
Fatma Abdulla
