Avropada qazın qiyməti 9% artıb və hər min kubmetr üçün 1340 dollardan bir qədər yuxarı səviyyəyə çatıb.
Modern.az xəbər verir ki, bu barədə London ICE birjasının rəqəmlərində qeyd olunub.
Aprel fyuçerslərinin dəyəri ticarət sessiyasının açılışında min kubmetr üçün 1250 dolları bir qədər ötüb.
Sonra kotirovkalarda minimum qiymət 1231,9 dollara düşüb. Dəyişkən başlanğıcdan sonra qiymət 1416,1 dollara çatıb. Ticarətin ikinci yarısında kotirovkalar təxminən 1330-1370 dollar arasında olub. Nəticədə bağlanış qiyməti hər min kubmetr üçün 1342,1 dollar təşkil edib.
