“Azərbaycan üçtərəfli bəyanatın müddəalarına əməl edir. Qanunsuz erməni silahlı dəstələrinin Azərbaycanın Rusiya sülhməramlılarının müvəqqəti yerləşdirildiyi Qarabağ bölgəsində son zamanlar törətdiyi təxribatlara cavab vermək lazımdır. Erməni birləşmələr Azərbaycan ərazisindən çıxarılmalıdır”.
Modern.az xəbər verir ki, bunu Türkiyə Prezidenti Rəcəb Tayyib Ərdoğan Özbəkistandan qayıdarkən jurnalistlərin suallarına cavab verərkən deyib.
“Azərbaycan tərəfindən heç bir pozuntu yoxdur. Üçtərəfli bəyanatın müddəalarına uyğun olaraq, erməni silahlılarının Azərbaycanın beynəlxalq səviyyədə tanınmış ərazisindən tamamilə çıxarılması təmin edilməlidir”, - dövlət başçısı bildirib.
