Müğənni Manaf Ağayev “Mercedes” markalı avtomobilinin hələ də cərimə meydançasında saxlanılması xəbərlərinə aydınlıq gətirib.
M.Ağayev Modern.az-a açıqlamasında məlumatın həqiqəti əks etdirmədiyini bildirib.
Müğənni hazırda həmin avtomobillə yol getdiyini vurğulayıb:
“Yanlış söhbətdir. Elə indi maşınla gedirəm. Araşdırma aparmadan, dəqiqləşdirmədən bu barədə fikirlər səsləndirilib. Həbs olunanda maşınım da saxlanmışdı. Həbsdən sonra maşınım da verildi".
“Dövlətimdən razıyam. Heç bir problemim yoxdur”, - müğənni əlavə edib.
Qeyd edək ki, müğənninin avtomobilinin hələ də cərimə meydançasında olması barədə vəkil Adəm Məmmədov məlumat verib. Vəkil deyib ki, maşını sahibinə qaytarmaqdan imtina edirlər: "Manaf Ağayev də qorxusundan səsini çıxartmır".
