Azərbaycan Ermənistanla danışıqlara həmişə açıq olduğunu bəyan edib.
Modern.az-ın məlumatına görə, bunu xarici işlər naziri Ceyhun Bayramov jurnalistlərin suallarını cavablandırarkən bildirib.
Aprelin 6-da Azərbaycan Prezidenti İlham Əliyev, Ermənistanın baş naziri Nikol Paşinyan və Avropa İttifaqı Şurasının rəhbəri Şarl Mişel arasında Brüsseldə baş tutacaq görüşdən danışan nazir deyib ki, bu, problemin həllini müzakirə etmək üçün yaxşı fürsətdir:
"Ölkəmizin bu məsələyə münasibəti hər kəsə məlumdur. Ermənistanın da öz mövqeyini bildirmək şansı olacaq".
