"Azəriqaz" İstehsalat Birliyi Səbail rayonu, T.Əliyarbəyov 13 a ünvanındakı gecə klubunda baş vermiş partlayışla bağlı daha bir açıqlama yayıb.
Qurumdan Modern.az-a verilən məlumata görə, partlayışın maye qaz balonunda yaranmış sızma nəticəsində baş verməsi ehtimal olunur:
"Belə ki, müəssisənin daxilində qoşulu vəziyyətdə olan propan qaz balonları ( 3 ədəd) aşkar olunub. Qeyd olunan obyekt təbii qaz istifadəçisi deyil. Həmçinin yaxınlığında yeraltı qaz xətləri mövcud deyil"
Rəsmi məlumata görə, təhlükəsizlik məqsədilə qeyd olunan ərazinin qaz təchizatı dayandırılıb.
