Polşa Baş nazirinin müavini Yaroslav Kaçinski Almaniyanı Rusiya ilə yaxın münasibətlərdə ittiham edib.
Modern.az xəbər verir ki, Almaniyanın "Die Welt" qəzetinə müsahibə verən Kaçinski Rusiya-Ukrayna müharibəsinə toxunaraq deyib ki, Almaniya hökuməti illərdir Rusiya Prezidenti Vladimir Putinin nə etdiyini görmək istəmirdi:
“Niyəsini bu gün görürük. Amma onlar uzun müddət Rusiyanın addımlarını görmək istəmirdilər. Rusiya təbii qazla müqayisədə neft ixracından 5 dəfə çox qazanır. Almaniya Rusiya neftinin idxalına embarqo qoymur və Ukraynaya kifayət qədər silah vermir”.
Polşanın ədliyyə naziri Zbiqnev Ziobro da Rusiya-Ukrayna müharibəsi ilə bağlı Moskvanı hədəf alan sanksiyalara Almaniyadan fərqli yanaşma gördüklərini bildirib:
“Almaniya Rusiyaya qarşı sərt sanksiyalara qarşı mühüm rol oynaya bilər, amma bu mövzuda Macarıstan “günahkar” elan edildi. Müəmmalı olan da budur".
