Ukraynanın Azərbaycandakı Səfirliyi Bakıda gecə klubunda baş verən partlayışla bağlı paylaşım edib.
Modern.az xəbər verir ki, səfirliyin rəsmi feysbuk hesabında edilən paylaşımda bildirilir:
“Bakının mərkəzində gecə baş verən partlayış nəticəsində ölənlərin olması xəbəri bizi son dərəcə sarsıtdı. Həlak olanların ailələrinə dərin hüznlə başsağlığı verir və xəsarət alanların tezliklə sağalmasını diləyirik”.
Xatırladaq ki, bu gecə Bakının mərkəzində, Tərlan Əliyarbəyov küçəsində yerləşən gecə klubunda partlayış olub. Hadisə nəticəsində 1 nəfər ölüb, 37 nəfər yaralanıb.
