Ermənistanda bu il doğulan uşaqların sayı azalıb, boşanmaların sayı artıb.
Modern.az xəbər verir ki, bu barədə Ermənistanın “Joğovurd” qəzeti yazıb.
“2020-ci ilin yanvar və fevral aylarında ölkəmizdə doğulanların sayı 5294, 2021-ci ilin eyni dövründə 5533 olubsa, bu ilin eyni dövründə 5344-ə enib. Digər mənfi xəbər isə Ermənistanda çoxlu boşanmaların başlanmasıdır.
Ermənistan Statistika Komitəsindən bildirilib ki, bu ilin yanvar-fevral aylarında Ermənistanda boşanmaların sayı 740 olub. Digər tərəfdən, 2020-ci ilin yanvar-fevral aylarında nikahların sayı 2471, 2021-ci ilin yanvar-fevral aylarında 2870, bu ilin eyni dövründə isə 2625 azalıb” - deyə məlumatda qeyd olunub.
