Ermənistan tərəfi 44 günlük müharibənin nəticələrinə əsasən, 208 nəfərin itkin düşdüyünü bildirib.
Modern.az xəbər verir ki, bu barədə Ermənistanın Baş naziri Nikol Paşinyan hökumətin iclasında deyib.
“Ümumilikdə iki müharibənin, birinci Qarabağ və 44 günlük müharibənin nəticələrinə görə 985 nəfər itkin düşmüş hesab olunur”, - Paşinyan çıxışında bildirib.
Ermənistanın Baş naziri qeyd edib ki, Brüsseldə itkin düşənlərin taleyinə aydınlıq gətirmək üçün Azərbaycan lideri və Avropa Şurasının rəhbəri Şarl Mişellə əməkdaşlıq imkanları müzakirə olunub.
