Son günlər sosial şəbəkələrdə bəzi şəhid analarının “Tik-Tok” hesablarında canlı yayım açaraq izləyicilərdən pul istəməsi barədə xoşagəlməz iddialar yayılıb.
İddialarda adı hallandırılan şəhid Sübhan Abdurrahmanlının anası Mehriban Abdurrahmanlı Modern.az-a açıqlamasında haqqında deyilən fikirlərə münasibət bildirib.
O “Tik-Tok” hesabında vətəndaşlardan pul istəməsi barədə xəbərlərin tamamilə yalan olduğunu söyləyib.
“Biz orada canlı yayıma qaziləri qoşaraq, söhbət etmişik. Bizə canlı yayım zamanı heç kim “jeton” atmayıb” - deyən şəhid anası haqqında yalan məlumat yayan şəxslərdən polis orqanlarına şikayət edəcəyini vurğulayıb.
Elmar Hüseynov
