Azərbaycanda yerli vaksinin hazırlanması ilə bağlı işlər görülür.
Modern.az-ın məlumatına görə, bu barədə səhiyyə naziri Teymur Musayev jurnalistlərə açıqlamasında deyib. Nazir bildirib ki, söhbət sırf Sars-Cov 2 əleyhinə vaksindən getmir.
O qeyd edib ki, vaksin istehsalı strateji istehsalatdır: “Bu istiqamətdə aparılan işlər nəticəsində Azərbaycan istənilən halda mümkün olan pandemik çağırışlara çox çevik və effektiv cavab olaraq vaksin istehsalatını təmin edə bilər”.
