Avropa İttifaqı ölkələri Rusiya və Belarusda qeydiyyatda olan avtomobillərin keçidini dayandırıb.
Modern.az xəbər verir ki, bu barədə TASS-a Rusiya Federal Gömrük Xidmətinin mətbuat xidmətindən məlumat verilib.
Bildirilib ki, 8 aprel 2022-ci il tarixindən etibarən Avropa İttifaqının Rusiya Federasiyası və Belarus Respublikası ilə həmsərhəd olan ölkələrinin gömrük xidmətləri beşinci sanksiya paketinə istinad edərək, bu ölkələrdə qeydiyyatda olan nəqliyyat vasitələrinin Aİ-yə buraxılışını dayandırıb.
Yeni sanksiyalar tranzit də daxil olmaqla, Avropa İttifaqı ərazisində avtomobil yük daşımalarına qadağaya təsir edib. Belə ki, Rusiya və Belarus qeydiyyat nişanlı beynəlxalq daşıma vasitələri Avropa ölkələrinin ərazisi ilə yük daşıya bilməyəcək.
