Ukrayna Silahlı Qüvvələrinin Baş Qərargahı Rusiya ordusunun itkilərini açıqlayıb.
Modern.az UNİAN-a istinadən xəbər verir ki, fevralın 24-dən bu günə qədər döyüşlərdə Rusiya tərəfi 19 300 nəfərə yaxın hərbçisini itirib.
Məlumata görə, son yeddi həftədə məhv edilən zirehli texnikanın sayı 2000-ə yaxınlaşır.
Bundan əlavə, Rusiya qoşunları müharibə dövrünə 722 tank, 1911 zirehli döyüş maşını, 342 artilleriya sistemi, 55 hava hücumundan müdafiə sistemi, 152 təyyarə, 137 helikopter, 1 384 avtomobil, hərbi texnika və sursat itirib.
"Bunlar tam dəqiq rəqəmlər deyil, qarşı tərəfin itkiləri daha çoxdur. Məlumatlar dəqiqləşdirilir. Hesablama hərbi əməliyyatların yüksək intensivliyi ilə çətinləşib" - Baş Qərargahdan bildirilib.
