Gürcüstanın Batumi şəhərində eyni anda bir neçə avtomobilin qarət edildiyi bildirilir.
Modern.az gürcü mediasına istinadən xəbər verir ki, bu barədə yerli sakinlər məlumat veriblər.
Sakinlər hadisənin gecə saatlarında Kobaxidze küçəsində baş verdiyini, lakin neçə avtomobilin soyulduğunu bilmədiklərini deyiblər.
Avtomobillərin turistlərə məxsus olduğu iddia edilir.
Daxili İşlər Nazirliyindən verilən məlumata görə, faktla bağlı Cinayət Məcəlləsinin oğurluq (177-ci) maddəsi ilə araşdırma aparılır.
