ABŞ-ın sabiq prezidenti Donald Tramp senat üzvlüyünə namizəd olan dünyaşöhrətli türkiyəli ürək cərrahı, professor Mehmet Özün namizədliyini dəstəkləyəcəyini açıqlayıb.
Modern.az-ın "TRT"yə istinadla verdiyi xəbərə görə, Tramp bildirib ki, Pensilvaniya ştatının parlaq və tanınmış həkimi Mehmet Özü ABŞ senatına seçərək Amerikanı qorumaq üçün çox yaxşı fürsəti var:
"Onun ilkin seçkilərdən uğurla çıxacağına inanıram. Mehmet Özün ABŞ-a ağlasığmaz zərər vurmaq istəyən radikal solçu demokratlara qarşı parlament seçkilərində qalib gəlmək şansı yüksəkdir”.
Qeyd edək ki, Mehmet Öz 2021-ci ilin 30 noyabrında ABŞ-ın Pensilvaniya ştatından Respublikaçılar Partiyasının senata namizədliyi uğrunda mübarizə aparacağını söyləyib.
