Türk Dövlətləri Təşkilatına (TDT) üzv ölkələrin dini qurumlarının rəhbərlərinin iclası keçirilir.
Modern.az xəbər verir ki, bu barədə Təşkilatın "Twitter" hesabında məlumat verilib.
Bildirilib ki, İstanbulda "Qlobal Epidemiya və Rəqəmsal Dünya Kontekstində Türk-İslam Dünyası və Dini Qurumların Gələcəyi" mövzusunda Türk Dövlətləri Təşkilatına üzv ölkələrin dini qurumlarının rəhbərlərinin I toplantısı başlayıb.
Qeyd edək ki, Qafqaz Müsəlmanları İdarəsinin sədri Şeyxülislam Allahşükür Paşazadə də iclasda iştirak edir.
