Qarabağda yaşayan mülki erməni sakinlərə verilən qazın qiyməti artırılıb.
Modern.az Ermənistan KİV-lərinə istinadən xəbər verir ki, Xankəndidəki separatçıların qondarma qurumu abonentlər üçün yeni tariflər müəyyən edildiyini bildirib.
Qeyd edilib ki, qaz tarifləri 3,9% artırılıb.
Ayda 10000 kubmetrədək istehlak edən abonentlər üçün tarif 1 kubmetr üçün 143,7 dram təşkil edəcək. Əhalinin bu qrupu üçün qiymətlər 3,4% artacaq.
10000 kubmetrdən çox istehlak edən abonentlər üçün 1000 kubmetrə görə tarif dram ifadəsində 265,81 dollar olacaq və 3,9% artacaq.
Bu, mülki ermənilər arasında narazılıqla qarşılanıb.
Qeyd edək ki, Qarabağ ermənilərinə mavi yanacaq Ermənistandan gəlir.
