Almaniya kansleri Fridrix Merts Avropa İttifaqının genişlənmə siyasəti ilə bağlı açıqlama verib.
Modern.az xəbər verir ki, Merts Avropa İttifaqının yeni üzvlərin qəbuluna hazır olduğunu nümayiş etdirməsinin vacibliyini bildirib.
“Avropa İttifaqı genişlənməyə qadir və buna hazır olduğunu göstərməlidir”, – deyə Almaniya kansleri vurğulayıb.
Onun sözlərinə görə, son 13 ildə yeni üzvlərin qəbul edilməməsi müəyyən problemlərdən xəbər verir.
“Əgər 13 il ərzində yeni üzvlər qəbul etməmişiksə, bu, müəyyən mənada Avropa İttifaqının öz uğursuzluqlarını da göstərir”, – deyə Merts əlavə edib.
