Ucuz USB kabellərinin istifadəsi şarj sürətinin azalması və cihazın həddindən artıq qızması və yanğın riskinin artması ilə əlaqələndirilir .
Modern.az xəbər verir ki, mütəxəssislər telefon və digər cihaz sahiblərini naməlum markalardan şarj kabelləri almamaq barədə xəbərdar ediblər. Onlar smartfon aksesuarlarına qənaət etməyin yanlış seçim oduğunu bildirib və ucuz şarj cihazlarından istifadə ilə əlaqəli riskləri təsvir ediblər.
Naməlum markaların kabellərinin ən geniş yayılmış zərərsiz çatışmazlığı şarj sürətinin azalması sayılır. Amma bu cür aksesuarların gizli təhlükəsi ondadır ki, onlar smartfonun şarj portuna zərər verə bilər. Mütəxəssislər qeyd ediblər ki, aşağı keyfiyyətli kabellər cihazın batareyasının həddindən artıq qızmasına səbəb olur ki, bu da sürətlənmiş aşınmaya və hətta nasazlığa və yanğına səbəb ola bilər.
Qeyd edilib ki, yüksək keyfiyyətli şarj kabelləri adətən USB Implementers Forum (USB-IF) kimi sertifikatlara malikdir. Bundan əlavə, bu cür kabellər adətən olduqca elastikdir və davamlı xarici örtüyə və ya neylon hörgüyə malikdir.
