ABŞ ordusu İranın infrastruktur obyektlərinə hücum edərsə, İslam Respublikasının Silahlı Qüvvələri Birləşmiş Ərəb Əmirliklərinin (BƏƏ) bütün limanlarını hədəfə ala bilər.
Modern.az xəbər verir ki, bu barədə İranın güc strukturlarındakı mənbə "Fars" agentliyinə danışıb.
Mənbənin sözlərinə görə, ABŞ-nin İranın infrastrukturuna zərbə endirməsi halında BƏƏ-dəki hava və dəniz limanları dərhal boşaldılmalıdır.
Qeyd edək ki, iyulun 18-də ABŞ Buşehr və Hörmüzqan vilayətlərində yerləşən hədəflərə zərbələr endirib. İran isə buna cavab olaraq Küveytə hücum həyata keçirib.
