İran İslam İnqilabı Keşikçiləri Korpusu ABŞ ilə gərginlik fonunda yeni hədəflərin müəyyənləşdirilə biləcəyi barədə xəbərdarlıq edib.
Modern.az xəbər verir ki, bu barədə korpusun sözçüsü Hüseyn Möhibbi açıqlama verib.
O bildirib ki, Hörmüz boğazının altından yeddi mühüm internet kabeli keçir və bu infrastruktur beynəlxalq rabitə baxımından böyük əhəmiyyət daşıyır.
“Yeni hədəflər və yeni silahlar təqdim ediləcək”, – deyə Möhibbi vurğulayıb.
Bu arada ABŞ Prezidenti Donald Tramp Vaşinqtonun İrana iqtisadi və hərbi təzyiqləri davam etdirdiyini bəyan edib.
İran tərəfinin açıqlamaları Yaxın Şərqdə davam edən hərbi-siyasi gərginlik fonunda səsləndirilib.
