Bu gün Neftçala rayonunun Qaraşaqlı kəndində seçicilərlə görüş öncəsi 1995-ci il mart ayında dövlət çevrilişinə cəhddə böyük igidlik göstərən Azərbaycan Respublikasının Milli Qəhrəmanı şəhid Xanoğlan Məmmədovun anası ziyarət olundu, şəhidin büstü önünə çiçək dəstələri qoyulub.
Modern.az xəbər verir ki, görüşdə Fəzail Ağamalı ölkə prezidenti cənab İlham Əliyevin həyata keçirdiyi islahatlar, apardığı uğurlu xarici siyasət və son 4 ildə deputat kimi fəaliyyəti haqqında seçiciləri məlumatlandırıb.
Seçicilər ölkə prezidentinin həyata keçirdiyi siyasəti yüksək qiymətləndirərək, bir sıra problemlərin üzərində dayanıblar.
Görüş iştirakçıları Fəzail Ağamalının fəaliyyətini yüksək qiymətləndirib və qarşıdan gələn Milli Məclisə seçkilərdə ona səs verəcəklərini qeyd ediblər.
Sonda F.Ağamalı yüksək dəstəyə görə seçicilərə təşəkkürlərini bildirib.
Fəzail Ağamalının təbliğat-təşviqat kompaniyası davam edir.