Müəllimlərin yerdəyişmə və daimiləşmə müsabiqəsində uğur qazanmış şəxslərin builki müəllimlərin işə qəbulu müsabiqəsində iştirak edib-etməyəcəyi məsələsinə aydınlıq gətirilib.
Təhsil Nazirliyindən Modern.az-a verilən məlumata görə, hazırda ümumi təhsil müəssisələrində müddətsiz müqavilə əsasında çalışan müəllimlər builki müsabiqədə iştirak edə bilməzlər.
Bu namizədlərə növbəti aylarda əlavə olaraq təşkil ediləcək yerdəyişmə, qarşılıqlı yerdəyişmə və ya təkrar müəllimlərin işə qəbulu müsabiqəsində (sanitar-epidemioloji vəziyyətdən asılı olaraq) iştirak etmək imkanı təqdim ediləcək.
