Gürcüstan Mərkəzi Seçki Komissiyasının Poti şəhərində yekun seçki nəticələrinə görə, "Gürcü Arzusu"nun namizədi Beka Vaçaradze 57,35% səslə qalib elan olunub.
Modern.az xəbər verir ki, seçki nəticələrinə Vahid Milli Hərəkat Partiyasının namizədi, Tiflisin keçmiş meri Georgi Uqulava etiraz edib.
O, seçkilərdə 42,65% səs toplayaraq, ikinci olub.
Uqulava seçki nəticələrini tanımadığını, məhkəməyə müraciət edcəklərini açıqlayıb:
“Bilirik ki, məhkəmə hakim partiyanın nəzarətindədir və nəticələrdə heç bir dəyişiklik olmayacaq, ancaq biz şikayət edəcəyik”.
