Türkiyənin Azərbaycandakı səfirliyinin Mədəniyyət və Tanıtma müşavirliyi və “Lider Qadınlar” İctimai Birliyi tərəfindən “8 Mart Beynəlxalq Qadınlar Günü” münasibətilə qadınlarına həsr olunan konsert proqramı hazırlanıb. İctimai Birlikdən Modern.az-a verilən məlumata görə, konsert tanınmış türk sənətçisi, hər il dünyanın bir çox şəhərlərində möhtəbər festivallarda çıxış edən Oya Ergün ifaçılığı ilə olacaqdır.
Bildirilib ki, bayram tədbiri çərçivəsində iştirakçılar çox özəl və möhtəşəm konsert proqramının şahidi olacaqlar. Oya Ergünün qadınlara həsr etdiyi bəstələri Renessans Rəqs qrupunun iştirakı ilə tamaşaçılara nümayiş olunacaq. Bundan əlavə Oya Ergün həmçinin konsertdə qadın bəstəkar Sevinc Tofiqızı və müğənni Coşqun Viləşlə duet oxuyacaq.
Konsert 7mart 2013-cü il tarixində saat 19.00 - da Rəşid Behbudov adına Mahnı Teatırında keçiriləcək.
Modern.az