“Bakı Dövlət Universitetinin yataqxanalarında məskunlaşan məcburi köçkünlərin köçürülməsi prosesinə başlanılıb”. Bu haqda Modern.az-a məlumat verən Qaçqın və Məcburi Köçkünlərin İşləri üzrə Dövlət Komitəsinin mətbuat xidmətinin rəhbəri Elçin Qədimov bildirib ki, yataqxanadakı məcburi köçkünlərin Qaradağ rayonu Müşfiqabad qəsəbəsinə köçürülməsi prosesi dünəndən başlanılıb.
O həmçinin bildirib ki, köçürülmə prosesində məcburi köçkünlərin əşyalarının daşınması üçün də komitə tərəfindən nəqliyyat vasitələri ayrılıb. “BDU-nun yataqxanalarındakı məcburi köçkünlər köçürüldükdən sonra isə Həmzə Babaşov küçəsindəki Doğum Evinin yarımçıq qalmış binasında məskunlaşan 677 ailə qəsəbəyə köçürüləcək”.
Aytən Əliyeva
