Azərbaycan xalqı öz dini əqidəsini qorumaq və ortaya çıxan məsələləri milli maraqları nəzərə alaraq həll etmək üçün kifayət qədər müdrikdir.
Modern.az xəbər verir ki, bu barədə İran Xarici İşlər Nazirliyinin sözçüsü İsmayıl Bəqayi Azərbaycanda məktəbli geyimi ilə bağlı müzakirələrə münasibət bildirərkən deyib.
O, Tehranla Bakı arasında mövcud qardaşlıq, dostluq və mehriban qonşuluq münasibətlərinin belə məsələlərin qarşılıqlı anlaşma, dini dəyərlərə və vətəndaşların hüquqlarına hörmət əsasında həllinə imkan verdiyini vurğulayıb.
