Milli Məclisin deputatlarının yay tətili başa çatır.
Modern.az xəbər verir ki, Milli Məclisin Daxili Nizamnaməsinə əsasən, deputatların iyulun 15-də başlayan yay tətili avqustun 30-da başa çatır.
Tətilin son günü bazar gününə təsadüf etdiyindən deputatlar avqustun 31-dən iş rejiminə qayıdacaqlar. Nizamnaməyə əsasən, Milli Məclisin payız sessiyası sentyabrın 30-da başlayır və dekabrın 30-dək davam edir.
Hazırda parlamentin payız sessiyasının gündəliyi açıqlanmayıb. Sessiyanın əsas məsələlərindən birinin 2027-ci ilin dövlət büdcəsinin müzakirəsi olacağı gözlənilir.
Qeyd edək ki, 2025-ci ildə avqustun 30-u şənbə gününə təsadüf etmişdi. Buna görə deputatlar faktiki olaraq sentyabrın 1-də işə qayıtmışdılar.
Ötən il payız sessiyasının ilk plenar iclasının gündəliyinə 12 məsələ daxil edilmişdi.
