Rusiya ordusunun müqaviləli əsgərləri cinayət məsuliyyətindən azad ediləcək.
Modern.az xəbər verir ki, bu barədə NEXTA məlumat yayıb.
Yeni qanun layihəsi Dövlət Dumasının deputatları tərəfindən qəbul edilib. İndi istintaq və mühakimə olunan və ya yüngül və orta ağırlıqda olan cinayətlərə görə artıq məhkum edilmiş ruslar Müdafiə Nazirliyi ilə müqavilə bağlaya biləcəklər.
Onların azadlıqdan məhrumetmə cəzası dövlət təltifi ilə təltif olunduğu gündən və ya xidmətdən xaric edildiyi gündən şərti cəza ilə əvəz olunacaq. Müqavilənin imzalandığı andan cinayət qeydləri silinəcək.
Səfərbərlik dövründə hərbi xidmət zamanı cinayət törədən şəxslər də cinayət məsuliyyətindən azad olunacaqlar.
