Gürcüstanda azərbaycanlıların kompakt yaşadığı Marneuli rayonunda qeyri-adi hadisə baş verib.
Modern.az xəbər verir ki, bu barədə sosial şəbəkələrdə məlumat yayılıb. Belə ki, şəhər yaxınlığında yerləşən quşçuluq fabriklərindən birinin sahibi inkubator yumurtalarının yararsız olduğunu zənn edərək, onları zibil poliqonuna atıb.
Lakin havanın yüksək temperaturunun təsirindən yumurtalardan cücə çıxıb.
Məlumata görə, minlərlə cücə Marneulinin mərkəzinə qədər gəlib və onlardan bəziləri yerli sakinlər tərəfindən götürülüb.
