İtaliyada ötən sutka ərzində yeni növ koronavirusdan daha 50 nəfər ölüb.
Modern.az xəbər verir ki, bu barədə ölkənin Mülki Müdafiə Departamentindən bildiriblər.
Məlumata əsasən, bununla da İtaliyada koronavirusdan ölənlərin sayı 32 785 nəfərə çatıb.
Bildirilir ki, son sutka ərzində 531 nəfər koronavirusa yoluxub, yoluxanların ümumi sayı 229 858 nəfər təşkil edir.
Məlumata görə, son sutka ərzində xəstəxanalardan evə buraxılanların sayı 1 639 nəfər olub. İndiyədək İtaliyada 140 479 nəfər insan koronavirusdan sağalaraq xəstəxanaları tərk edib. Hazırda 56 594 nəfər virus daşıyıcısı müalicə alır.