Azərbaycanda səfərdə olan Türkiyənin bir sıra nüfuzlu nəşrlərinin - “Milliyyət”, “Hürriyyət”, “Zaman”, “Today Zaman”, “Radikal” və “Habertürk” qəzetlərinin əməkdaşları deputat Qənirə Paşayevanın təşəbbüsü ilə Gəncə şəhərində səfərdə olublar.
Səfər zamanı türkiyəli jurnalistlərə Gəncənin keçmişi və bu günü , bu şəhərin və onun insanlarının Azərbaycan xalqının , dövlətinin tarixindəki yeri , rolu barədə ətraflı məlumat verilib.
Q.Paşayeva Gəncənin Bakıdan sonra Azərbaybanın ikinci böyük şəhəri olduğunu, bu şəhərin dünya mədəniyyət xəzinəsinə Nizanmi Gəncəvi , Məhsəti Gəncəvi kimi və sair dühalar verdiyini , bu şəhərin Azərbaycanın vaxtı ilə paytaxtlarından biri-xüsusilə, 1918- ci ildə Azərbaycan ilk dəfə müstəqilliyini qazandıqdan sonra onun ilk baş şəhəri olduğunu, bu şəhərin insanlarının Azərbaycan xalqının böyük oğlu Cavadxanın başçılğı ilə uzun illər Çar Rusiyasının işğalına qarçı böyük dirəniş göstərdiyini bildirib.
Millər vəkili eyni zamanda deyib ki, 1918 –ci ildə Azərbaycan ilk dəfə müstəqillik qazananda onun paytaxtı Bakı şəhəri başqa yadelli düşmən qüvvələrin əlində olduğu üçün Gəncə şəhəri bir müddət baş şəhər funksiyasını yerinə yetirib, Azərbaycan Xalq Cümhüriyətinin (AXC) Milli Şurası- parlamenti burada fəalyyət göstərib.
Q.Paşayeva türkiyəli jurnalistləri AXC Milli Şurasının fəaliyyət göstərdiyi bina ilə (indiki Aqrar Universitetin yerləşdiyi bina), həmçinin Şeyx Nizaminin məqbərəsi, tarixi “Şah Abbas məscidi”, məşhur “ Gəncə qapıları”nın tarixi ilə tanış edib.
Türkiyəli jurnalistlər Gəncə, onun tarixi, görməli yerləri ilə bağlı tanış olduqlarından məmnun qaldıqlarını deyiblər.
Modern.az