Türkiyə Xarici İşlər Nazirliyinin rəhbəri Mövlud Çavuşoğlu sabah Fransaya səfər edəcək. Modern.az Türkiyə Xarici İşlər Nazirliyinin (XİN) mətbuat xidmətinə istinadən verdiyi məlumata görə, M.Çavuşoğlunun səfəri onun fransalı həmkarı Jan-İv Le Drianın dəvəti ilə baş tutacaq.
XİN rəhbərləri görüş zamanı ikitərəfli münasibətləri, regional gündəliyin aktual məsələlərini, xüsusilə Suriyadakı vəziyyəti və qarşılıqlı maraq doğuran digər məsələləri müzakirə edəcəklər.