Bu gün Milli Məclisin deputatı Elçin Quliyevin doğum günüdür.
Modern.az xəbər verir ki, deputatın 59 yaşı tamam olur.
Modern.az-a danışan parlamentari bildirib ki, heç zaman təmtəraqlı doğum günləri keçirtməyib:
“Həmişə doğum günlərimi sakit keçirtmişəm. Dəbdəbəli ad günləri keçirtməyi sevmirəm. Bu gün də həmişə olduğu kimi, ailəmlə birgə növbəti yaşımı qarşılayacam”.
Elçin Quliyev deyib ki, yaşın artmasından qorxmaq lazım deyil:
“Hər yaşın insana bəxş etdiyi öz gözəllikləri var. Hesab edirəm ki, hər insan bu gözəlliyə şükür etməlidir. Yaşın artmasından qorxmaq lazım deyil”.
Qeyd edək ki, deputat Elçin Quliyev 1960-cı ilin bu günü Sabirabadda anadan olub. 2015-ci ildə Milli Məclisin V çağırış deputatı seçilib.
