Polşanın "Legiya" klubuna geri dönmək istəməyən futbol üzrə Azərbaycan yığmasının üzvü Mahir Emreli karyerasını Türkiyədə davam etdirəcək.
Modern.az xarici KİV-ə istinadən xəbər verir ki, 24 yaşlı hücumçu Super Liqa təmsilçisi "Başakşehir"lə anlaşıb.
Komandanın baş məşqçisi Emre Belezoğlu ilə ilə görüşən Mahir öz şərtlərini irəli sürərək istəyinə nail olub. Millimizin forvardı ilə razılığa gələn "Başakşehir" rəhbərliyi "Legiya" ilə təzminat məsələsini həll etmək öhdəliyini də öz üzərinə götürüb.
Qeyd edək ki, hazırda "Başakşehir" Super Liqada 20 turdan sonra 34 xalla turnir cədvəlində 3-cü pillədə qərarlaşıb