Bu gün günorta saatlarında Bakının Səbail rayonunda yanğın olub. Hadisə İçərişəhər ərazisində qeydə alınıb.
Modern.az-ın hadisə yerində olan əməkdaşı xəbər verir ki, İçərişəhər metrosu yaxınlığında baş verən yanğına elektrik sayğacında qısa qapanma səbəb olub.
Hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin yanğından mühafizə bölmələri cəlb edilib. Yanğın kiçik ərazini əhatə edib. FHN əməkdaşları təhlükənin böyüməsinin qarşısını alıblar.