Bu gün Rusiya hərbçiləri Xarkovu raket atəşinə tutub. Hücum zamanı şəhərin mərkəzi hissəsinə ciddi ziyan dəyib. Atılan mərmilər Xarkovda yanğına səbəb olub.
Modern.az xarici KİV-ə istinadən xəbər verir ki, bu barədə Xarkov Hərbi İdarəsinin Səhiyyə Departamentinin direktoru Maksim Xaustov məlumat yayıb.
Onun sözlərinə görə, raket hücumu zamanı 5 nəfər ölüb, 13 nəfər yaralanıb. Xilasedicilər hadisə yerinə cəlb olunub. Hazırda axtarış-xilasetmə əməliyyatı aparılır.
