Ermənistanın baş naziri Nikol Paşinyan ATƏT-in Minsk qrupunun amerikalı həmsədri Endryu Şeferi qəbul edib.
Modern.az Ermənistan KİV-nə istinadən xəbər verir ki, bu barədə baş nazirin mətbuat xidməti məlumat yayıb.
Baş nazir ABŞ-ın ATƏT-in Minsk qrupunun həmsədri kimi mühüm rolunu vurğulayıb və Endryu Şeferin Qarabağdakı vəziyyəti və bu kontekstdə gedən prosesləri müzakirə etmək üçün regiona səfərini alqışlayıb.
Tərəflər Qarabağ münaqişəsinin hərtərəfli həllində ATƏT-in Minsk qrupunun həmsədrliyinin rolunu vurğulayıblar.
Görüşdə humanitar məsələlərə, eləcə də Azərbaycanla sülh sazişi üzrə danışıqlara başlamaq imkanlarına toxunulub. Paşinyan bu məsələdə ATƏT-in Minsk qrupunun həmsədr ölkələrinin vasitəçilik rolunu vacib sayıb.
