Rusiyanın Bryansk vilayətində neft bazası ərazisində yanğın baş verib.
Modern.az xəbər verir ki, bu barədə Rusiya Fövqəladə Hallar Nazirliyinin Bryansk vilayəti üzrə Baş İdarəsindən bildiriblər.
"Aprelin 25-i saat 02:00-da Rusiya Fövqəladə Hallar Nazirliyinin Bryansk vilayəti üzrə Baş İdarəsinin operativ növbətçiliyinə aşağıdakı ünvanda yanğınla bağlı məlumat daxil olub: Bryansk, Fokinski rayonu, Moskovski prospekti. Çağırış yerinə yanğınsöndürmə və xilasetmə briqadaları göndərilib. Müəyyən edilib ki, neft bazasının ərazisində yanğın olub", - deyə açıqlamada deyilir.
Digər təfərrüatlar barədə məlumat verilmir.
