"Gecə kraliçası” adlandırılan fransız müğənni Rejin (Regine Zilberberg) bu gün 92 yaşında vəfat edib.
Modern.az xəbər verir ki, bu barədə "Agence France-Presse" məlumat yayıb.
"Onun adı səhərə qədər davam edən parlaq məclislərin simvoluna çevrilib. O, rəqs meydançası bağlanan vaxta qədər oranı tərk etməyib" - bu sözləri aktyor Pierre Palmade deyib.
Müğənnilik karyerasına əlavə olaraq, Regin şənliklər təşkil etməklə məşhurlaşıb. O, həyatı boyu müxtəlif vaxtlarda 20-dən çox diskoteka və gecə klubuna sahib olub.
