"Bu günə həm də fitr bayramı deyirlər. Bayramın özəlliyi insanların fitrə çıxarmasıdır. Bu, ailədə hər bir fərdə görə 10-15 manat civarında hesablanıb. Mən xahiş edirəm, insanlarımız fitrəni pulla çıxarsınlar. Çünki belə daha məqsədəuyğundur".
Modern.az xəbər verir ki, bunu Qafqaz Müsəlmanları İdarəsinin (QMİ) Qazılar Şurasının üzvü, QMİ sədrinin müavini Fuad Nurullayev jurnalistlərə açıqlamasında deyib.
"Pulla çıxarılmanın özəlliyi odur ki, belə olan halda, ehtiyacı olan kəslər həmin məbləği məhz ehtiyaclarına xərcləyə bilirlər", - QMİ rəsmisi bildirib.
