Ermənistanda bir qrup müxalifətçi Baş nazir Nikol Paşinyanın istefasını tələb edərək İrəvandakı Kiyev körpüsünün qarşısını kəsib.
Modern.az Ermənistan KİV-lərinə istinadən xəbər verir ki, əraziyə cəlb olunan polis əməkdaşları etirazçıları saxlamağa başlayıb.
Xüsusi təyinatlı polis dəstələri aksiyanın qarşısını almaq üçün səfərbər olunub. İlkin məlumatlara görə, 7 aksiya iştirakçısı saxlanılıb.
Qeyd edək ki, Ermənistanda müxalifət mayın 2-dən genişmiqyaslı etirazlara başlayıb.
