"Taliban" hökuməti yetkinlik yaşına çatan qızlara geyim qadağası qoyub.
Modern.az xəbər verir ki, yeni tətbiq olunmuş qaydalara əsasən, qadınlar bədənlərini tamamilə örtən qara çadra geyinməlidirlər.
Qaydalara əməl etməyənlərin əvvəlcə ailə başçılarına xəbərdarlıq ediləcək. Xəbərdarlığa məhəl qoyulmasa, ailə başçısı 3 sutka həbs olunacaq. Bununla belə, eyni hal təkrar edilsə, xanımlar məhkəmə qarşısına çıxarılacaq.
Bundan başqa, dövlət idarələrində çalışan qadınlar örtünməsə, onlar dərhal işdən çıxarılacaq.
